Nevsaliki Nevtarhı

Nev-sâlik-i nev-tarh-ı cünûn-i diğeriz biz Çün terkeş-i pür-tîr-i vatan der-seferiz biz Bî-sûziş-i ‘aşk istemeziz tûl-i hayâtı Mânend-i şerer böyle ölünce gideriz biz Murg-ı kafes-âmûz-i şifâhâne-i mevciz Zencîr-begerden nice dîvâneleriz biz Mir`âtıyız ol mâh-ı perî-sûretin ammâ Gam-hânemize gelse dahi bî-haberiz biz Müjgânlarımız gevher-i mir`ât-ı kadehdir Hayrân-ı nazar-bâde o mahmûr-seriz biz Bir germ-nigâh ile geçirmekdeyiz ömrü Şem’iz bu safâ bezmine mahv-ı nazarız biz Fark idemedik rub’-ı ruh-ı yâri hat almış Tâ ol derece hüsnüne mahv-ı nazarız biz Bir reng-i nümâyişden ‘ibâretdir edâmız Bî-sûd u ziyân şu’le-i yâkût-ı teriz biz Ma’nâ gibi bir beytde güncîdeyiz ammâ Gezmekde ağızdan ağıza derbederiz biz Yâkût-i sirişkiz yerimiz dîde vü dildir Âteşle sudan hâsıl olur bir güheriz biz Tıfl-ı dilimiz kâğıd-ı bâd oynu dilerse Târ-ı nazarı çetr-i felekden keseriz biz İskender’e zehr-âb-ı fenâdân viririz câm Hızr’ız velî râh-ı ‘ademde rehberiz biz Bî-pâ vü ser uyduk revîş-i mürşid-i Rûm’a Döndükçe bu gerdûn ile Gâlib döneriz biz Yâd eylemez olduk haber-i Yûsuf-ı Mısr’ı Südlüce’de bir mâh ile şîr ü şekeriz biz