Neyleyim Gönlüm Seni

N’eyleyim gönlüm seni dîvânesin dîvânesin Geçdi ömrün olmadı uslânesin uslânesin Mâsivânın cümlesin mahrem edindin özüne Hakk ile illâ n’idem bîgânesin bîgânesin Her ne denlü zînetine zâhirin sa’y edesin Kalbi ma’mûr etmedin vîrânesin vîrânesin Hâlıkından gayrıyı maksûd edinme şöyle kim Özge ma’bûdun ola büthânesin büthânesin Nice bir yağmâya verdi kalbini cünd-i hevâ Olmadı Hakk yoluna tâlânesin tâlânesin Kalbi beytullâh okudu ol habîb-i gird-gâr Sende bu iş yok meğer bî-hânesin bî-hânesin Nice bir nefsin hevâsında yelersin rûz u şeb Dahî vakt olmadı mı uslânesin uslânesin Her çerâğa dil verip devr eylemegil Şemsiyâ Çün ezel Hakk şem’ine pervânesin pervânesin