Niçe Bu İlletü Gaflet

Niçe bu ‘illet ü gaflet ey kardaş Bu gafletden uyan ahî getir baş Durugel gözün aç kim göçdü kârbân Bî-câyî yolda kaldın gitdi yoldaş Yören kendözüne gör kim hâlin ne Ecel ‘aybın açup eylemeden fâş Çü bilmedin özünü geçdi ‘ömrün Ne faydadır yaşadığın uzun yaş Nice bir diyesin dünyâ benimdir Yalan söylemegil bâri ey kallaş Henüz bu uykudan uyanmadın sen Ecel ‘ömrün hâsılın çaldı tırâş Durugel ihsân eyle hak yolunda Dâim bu nefs içün eyleme savaş Sana gerek olasın sen bu yolda Bu miskîne bir etmek bir çanak aş Ma’rifet meydânında er yolunda Yumuşak toprak ol olma katı taş Dâim nefsine hoş kulluk idersin Velî bu dîn yolunda olma kallaş Bugün dünyâda hoş dirlik dirilik Âhiretde yirin eyleme ateş Haberin yok dînini ki dünyâ ‘âkıl Uğruladı sana kalmadı genneş Dâim bu hak yola ihsândan artuk Nene gerek dahi bu mâl bu kumâş Ecel bir gün keser ‘ömrün kemendin Sana şöyle görünür şindi yavaş Nice bu yat hayâl Kaygusuz Abdâl Ko bundan ne hâsıl gelür ‘aşka ulaş