Nuri Alemsin Bugün

Nûr-ı âlemsin bugün hem dahî mahbûb-u Hudâ Eyleme âşıkların bir lahza kapından cüdâ Gitmesin nâm-ı şerîfin bu dilimden dem-be-dem Dertli gönlüme devâdır cân bulur ondan safâ Umarım her bir adın başka şefâ’at eyleye Ahmed ü Mahmûd Ebü’l-Kâsım Muhammed Mustafâ Çünki denildi ona ‘Ve’ş-Şems’ dahi ‘Ve’d-Duhâ’ Rûyuna alnına mihr ü mâhı benzetsem n’ola Bu libâs u hây hûy u tantana nedir dilâ Eğnine hil’at yeterken bir palâs u bir abâ Cürm ü isyânım bir birundur gerçi hadden serverâ Sen şefâ’at kânısın geldim sana şefkat uma Bu Muhibbî tövbe eyler tövbesin eyle kabûl Fitne-i şeytândan sakla onu yâ Rabbenâ