Olma

Sakın ey dil hevâ mağlûbu olma Fenâ lezzâtının meczûbu olma Tarîk-ı Hakk’a sa’y it gice gündüz Rızâ bâbında dur meslûbu olma Erenler çırını dâim gözetgil Fazâhat ehlinin mergûbu olma Bu nâsın eslahı olmağa cehd it Özün bilmez gibi ma’yûbu olma Ol emrullaha hâzır her nefesde Sünenden baş çeküp mağyûbu olma Şol in’âmdan kim ol gâfil olanın Sen ekl ü şürb ile mahbûbu olma Berü gel sen hased-kâr u bahîlin Sözüm tut varuben maslûbu olma Olursan ‘âlemin maşrûku ol sen Bu dehrin bir zamân mağrûbu olma Cihân halkının ey Gurbî er isen Tama’ vü hırs ile mahcûbu olma