Olur Çün Akıbet

Olur çün âkıbet ten hâke yeksân Koyup dünyayı îman iste îman Bu cânın çıkmadan bîçâre tenden Gönül derdine cehdet eyle dermân Mücellâ eyle dil mir’âtını var Tecellây-ı cemâl eyleye sultân Vücudun zerredir zâhirde ammâ Bulunur onsekizbin türlü elvân Eğer hayvân meâdin cin melekdir Şeyâtîn dev ile hem perî insân Bunu mazmunların makbûle döndür Olasın kendi mülkünde süleymân Çalış Seyyid Nizâm Oğlu yürü var Olagör ölmeden bir ehl-i irfân