Rumuzu Enbiyayı Vakıf

Rumuz-u Enbiyâ-yı vâkıf esrâr olandan sor, Enel-Hak sırrını candan geçüp berdâr olandan sor. Yürü var ehl-i tecridi alâik ehline sorma, Anı cân-u cihânı terk edüp deyyâr olandan sor. Gehi kahr-ü gehi lutfun kemâlin bilmek istersen, Fenâ ender fenâda yoğ olup hem var olandan sor. Dilâ bu Mantık-ut-tayrı fesâhat ehli anlamaz, Anı ancak ya Attâr veyahut Tayyâr olandan sor. Anadan doğma gözsüzler kemâhi görmez eşyâyı Niyâzî vech-i dildârı Ulül-ebsâr olandan sor.