Safa Geldin Eya Şehri Şefaat

Safâ geldin eyâ şehr-i şefâ’at Bu ümmete doğan mâh-ı hidâyet Buhûr-i rahmet-i Rahmân ki sensin Nüzûl eyler bugün emtâr-ı rahmet Safâ geldin eyâ kân-i kerâmet Bu ümmete veren şân u şerâfet Kerem nehrisin ey mihr-i diyânet Buluruz senin ile yüce devlet Safâ geldin eyâ ihsân-ı Mevlâ Eden bu ümmeti a’lâdân a’lâ Açılır sende dergâh-ı muallâ Hudâ’ya sende eylerler karâbet Safâ geldin eyâ şân-ı atâlar Ki sende olunur afv-i hatâlar Sana hurmetle eyler merhabâlar Bu ümmet-i Muhammed pür-seâdet Safâ geldin eyâ sultân-ı ezmân Erişdin ümmete rahmet-i Rahmân Alır İslâm olan afvine fermân Sana hurmetdir îmâna alâmet Safâ geldin eyâ nûr-i hüdâmız Ki sendedir bize nûr-i Hudâ’mız Sana kurbân ola rûh-i fedâmız Şefî’ ol bizlere rûz-i kıyâmet Safâ geldin bu ümmete veren nûr O cilvegâh-ı rahmete olan Tûr Ki sensin ümmete cennât hem hûr Kavuşduk LUTFÎ Mevlâ’ye nihâyet