Sahrayı Dile Bir Dem

Sahrâ-yı dile bir dem teşrîf eyle gel ey mâh Meydân-ı dü ‘âlemde yokdur böyle seyr-i nigâh Bir var diyen yokdur kârhâne-i ‘âlemde Dil gibi nigârında sîne gibi zînet-gâh Öyle sanırdım imdi dildâra kılup te’sîr Ol vakt-i seher kim bir sûzân ile kıldım âh Ser-menzil-i dildâra meyhâne mînâ hakkı Yok ‘aşk gibi rehber yok âh gibi hem-râh Nâgah görünüp dilber mestâne hurûş itdim Hayretle terennüm-sâz Allah didim Allâh Zindân-ı zenahdânı kim görse heves eyler Firdevs midir âyâ meyhâne midir ol câh Ey sôfî taleb-kârız hem âyin-i mey-hârız Sanma bizi ey bî-dîn kendin gibi ey güm Meyhânelerin kârı mahsûsdur ‘uşşâka Hoş rütbedir ol billâh hoş mertebidir vallâh Ey Mîr Nigârî ol meyhâne-i ma’nâda Bî-fark gedâ zengîn dervîşle birdir şâh