Saki Bugün Meyhanede

Sâkî bugün meyhanede ebrû-kemân dilberleri Mey-keş edüp demhânede zî-zevk olup gülberleri Sâzendelerin sâzının sûzişli sözleri güzel Na’me-şinâs mestânenin pervâz eder şehperleri Mey-nûş olan bir nev-civân meyhaneye olur revân Bu mey ile mîr-i zemân feth eylemiş Hayber’leri Mey bahrine daldırsalar perdeleri kaldırsalar Peymâneler doldursalar şâhlar verirler serleri Mey dolarsa câm-ı hüdâ nây-ı aref verir sadâ Cânân eder ol dem nidâ görünür dîdâr dürleri Ummân-ı himmet meydedir feyz-i muhabbet neydedir Hayât-ı bâkî Hay’dedir Hayder eder Kanber’leri Şem’-i muhabbet yağını bul yak gönül çırağını Sor sâkînin durağını beraber al rehberleri LUTFÎ pîr-i mugānı bul meyhânede mu’tekif ol İlm-i aref sırrıyla dol ma’mûr eyle minberleri