Sanır

Tıfl iken zâhid henüz bu yolda şâbb oldum sanır Özünü tanımayup ‘âlî-cenâb oldum sanır Mekteb-i ‘irfâna girüp ebcedi öğrenmemiş ‘İlm-i zâhir okumakla feyz-yâb oldum sanır Hiç karınca idebilir mi meges-veş irtifâ’ Ki kanatlanınca ol miskîn zübâb oldum sanır Perde-i zühd ile mahcûb olmuş ol nâdân hemîn Bilmeyüben nâil-i ecr ü sevâb oldum sanır Nâgehân bir meclis-i ‘aşka girer ise eğer Bir kebîre irtikâb itdim harâb oldum sanır Zerre-i nâçîz iken ‘ucb u gurûra düşüben Müdde’î-i bî-behre gûyâ âfitâb oldum sanır Ma’rifetden nokta yok kalbinde Kuddûsî-leyin Kurulup sadr-ı mecâlisde lübâb oldum sanır