Sefinem Gark Oldu

Sefînem gark oldu derd deryâsına Sahrâ-yı sînemi sel aldı gitdi Hasret-keş olmuşdur dil Leylâ’sına Bülbül-tek zârımı gül aldı gitdi **** Kûy-i cânânıma varayım derdim Bir zemân zevk safâ süreyim derdim Dîdâr-ı dildârı göreyim derdim Nevbetim elimden el aldı gitdi **** Sahrâ-yı sîneme dağlar çekilmiş Dâl olmuş kāmetim kaddim bükülmüş Yâr yolunda nice ömrüm sökülmüş Gönlümü zülfünden tel aldı gitdi **** Yârelerim sıra sıra sînemde Kan ağlar gözlerim dâimâ nemde Âşıklar demişler devr-i kadîmde Aklımı ruhleri âl aldı gitdi **** Bu derd derûnumu her dem yâreler Rakîb gaddâr ciğerlerim pâreler Ne felekdir benim bahtım kâreler Bâğ u bostânımı sel aldı gitdi **** Lutfiya ağlama Hudâ Kerîm’dir Derdlinin derdine Allah Alîm’dir Sende derd var ise Mevlâ Hakîm’dir Sabr-i bî-pâyânım Nîl aldı getdi Alvarlı Efe Muhammed Lütfi Hazretleri