Senden Agah Kıl Bizi

Senden âgâh kıl bizi ey yâr olalım müstetâb Cânlara nûrun ziyâ virmiş cihâna âfitâb Gülşen-i vuslatda hâlâ gâfil olmuş hufteyiz Bu gülistândan habersiz kalmışız pür-ıztırâb Hâb-ı gaflet bağlamış halkın basîret çeşmini Yoksa ol hurşîd-i dâim dilde doğmuş bî-hicâb Cânını bil mihr-i bîçûn kim bu çarhı döndürür Lîk pinhân eyledi anı bu cism-i çûn sehâb Genc-i pinhân anla rûhun zîr-i dîvâr-ı beden Ger sana cânın gerekdir eyle bu cismi harâb Bin cihân ma’mûrdur meyhâne-i vahdetde çün Hûş u hestîdir hatâ mestî vü pestîdir savâb Hay vâr ol Hayyu’l-Kayyûm ile bul bâkî hayât Kim bu varlıkdır âdem mahzâ hayâldir çün serâb Çün ki bahr-ı aşkdır Hakkı muhît-i cân u dil Cümle andandır bed ü nîk ü suâl ü hem cevâb