Şeyh Odur

Şeyh odur ki diyicek ana mürîdi yâ şeyh İde bin feyz ile bir demde anı ihyâ şeyh Açıla revzene-i kalbi cihân-ı gayba Dâhil-i gülşen-i firdevs ola gûyâ şeyh Cümle a’zâsına sârî ola sırr-ı hikmet Hakk ile gûş idüp anınla ola gûyâ şeyh Şöyle telvîn ile temkîni ri’âyet ide kim Halk u yâ Hakk mı olupdur diyeler âyâ şeyh ‘Ameli zerr-i tılâ’ ide nühâs-ı kalbi Bir ‘azîz ola vücûd içre hemân kimyâ şeyh Hakkıyâ n’ola çıkarsa dürr-i hikmet dilden Olıcak feyz-i ilâhî ile çün deryâ şeyh