Şeyhim Gönül Esrarını

Şeyhim gönül esrârını aldın çü seyrân eyledin Hayretde kodun gönlümü sen şâha cevlân eyledin Kimse dilim bilmez benim derdime âh kılmaz benim Gönlüm karar almaz benim gözümü giryân eyledin Sen perdede vâsıl Hakk’a buldun anın ile bekâ Firkatde beni mutlakâ yolunda hayrân eyledin Gurbetde kaldı cânımız kor davladı her yânımız Himmet kıl ey sultânımız çün bizi cûyân eyledin Yer gök doludur himmetin şimdi dahi yürük atın Yandırdı bizi firkatin özünü pinhân eyledin Biz seni bâkî biliriz eşiğine yüz süreriz Banla deyü yalvarırız anı ki ihsân eyledin Göster yüzün ‘âşıklara esrârına lâyıklara Dünyâda ger ayıklara eşkâli çendân eyledin Müşkil değildir yolumuz anlayana her hâlimiz Söyledübeni dilimiz bir ulu dîvân eyledin ‘Âşık gören görür anı terk idicek seni beni Yol yürüyene ey ganî yolunu âsân eyledin