Seyreyle

Bu bağçe ne müzeyyen kudret-i Mevlâ’yı seyreyle Görünür sırr-ı vahdet cennet-i me’vâyı seyreyle Nazar kıl gül-gülistânı iderler tevhîd-i Bârî Bezetmiş dâr u diyârı gül-i ra’nâyı seyreyle Okunur her varaklarda “te’âlâ şânühû ekber” Açılmış verd-i ahmerler ruh-i Leylâ’yı seyreyle Olur bülbülleri nâlân ider sünbülleri devrân Gören gözler olur hayrân rûy-i sahrâyı seyreyle Şükûfehâ-yı elvânı münakkaş hikmet-efzâyı Bırak Lutfî mâsivâyı ‘âlem-ârâyı seyreyle