Söyle

Ey bâd-ı sabâ tîz-rev ol o yârime söyle Ahvâlimi gör nâz ile dildârime söyle Ol rûy-i kamer-talʻatı gördü gözüm ammâ Arâm-gehini sor sabâ seyyârime söyle Bir nazlı nezâketli şerâfet-şiârım var Cân-gâhımı ateşleyen eşʻârime söyle Ol ebrû-kemân mîr-i zemân seyre sezâdır Pırlanta gibi parparalı zârıma söyle Yakdı der-i dîvâr-ı dili nâr-ı muhabbet Sabâ-yı seher şevkı hem esrârıma söyle Deryâ-yı derûnumu yakar âteş-i cân-sûz Kānûn-i kirâm böyle mi dildârıma söyle LUTFÎ der-i dergâh-ı dilârâda sebât et Rahm eyleye belki o kerem-kârime söyle