Şöyle Düşdüm Derde

Şöyle düşdüm derde kim mümkin değil dermân ana Cânı kurbân eyledim bakmaz velî cânân ana Dahi nem var virecek bilmem ki ihdâ eyleyem Yokluğum arz itmeden gayrı ne var ey cân ana Ol ulu dergâha lâyık ‘abd-i ‘âciz neylesin Merhametli pâdişâhım cân u dil hayrân ana Mustafâ’nın hürmetiyçün nûr-ı zâtın hakkıyçün Mahz-ı fazlınla kerem it ana ey sultân ana Şems-i vaslınla münevver eyle kalbi hânesin ‘Aşkın olsun yâ ilâhî dâimâ mihmân ana Düşmüş ü şaşmış kulundur Nûrî kulun ey Kerîm Şefkatin bahrinden it bir katreyi ihsân ana