Söyle Ey Cibril Can Yari Vefadara Meni

Söyle ey Cibrîl-i cân yâr-i vefâdâra meni Şerh edegör hâlimi dîde-i bîdâre meni Meni ol serv-i revân saldı cünûn sahrâsına Korkaram kardaş ede Mansûr-i berdâre meni **** Sahrâ-yı sevdâsını bâd-ı sabâ-veş gezerem Göremem gül yüzünü eyledi âvâre meni Kulu kurbânı olam söyle sitem-kâre bugün Dilerem kurbân ede ru’yet-i dîdâre meni **** Öyle cânsûz ciğer-dûz âhıma rahm ederek Şânına şâyân olan vâsıl ede yâre meni Bu kadar firkat odu yakdı ciğergâhımızı Bahr-i eltâfı ile yakmaya bu nâre meni Lutfiya kâr-i kadîm dilber-i dilbâzîlere Eyleye nazlı niyâz kılmaya bî-çâre meni Alvarlı Efe Muhammed Lütfi Hazretleri