Söylemez

Seyr-i dildârını ‘ârif dilde âha söylemez ‘Âlemi tenvîr ider hem mihr ü mâha söylemez Mekteb-i ‘ilm-i ledünde “men ‘aref” esrârını Mûsil-i vasl-ı habîbi şâh-râha söylemez Nûr-ı îmân hubb-i Rahmân’dan tefeyyüz eylemiş Dîde-i bâtın ider seyrân nigâha söylemez Gülsitân-ı vahdetin bülbüllerin anlar olur Gerden-i dilber öper zülf-i siyâha söylemez Lutfiyâ sermest olur bezm-i elest mey-keşleri Perver-i ‘aşk-ı Hudâ gedâya şâha söylemez