Taati Hakk Zahidi Makbul İder

Tâ’at-i Hakk zâhidi makbûl ider ‘inde’l-‘avâm Gayret-i Hakk ‘ârifi medhûl ider beyne’l-enâm Zâhid eyler mûcib-i emr-i ilâhîyle ‘amel Hakk’a ikbâl ü teveccüh üzredir ‘ârif müdâm Zâhidin kârı ‘ibâdetdir hemîn ma’bûduna ‘Ârifin hâli ‘ubûdiyyetledir her subh u şâm Zâhidin cevlân-gehidir hadd-i seyr-i mustatil ‘Ârif eyler kûy-i seyr-i müstedîri iltizâm Zâhid eyler kesb-i esbâb-ı huzûr a’mâlle Kalb-i hâzırla olur vuslatda ‘ârif müstedâm Zâhidin tâ’âti mîzânda sakîl olmak gerek ‘Ârifin tevhîdi vezn olmaz dimiş ehl-i kelâm Zâhide ism-i müsemmâdır kemâl-i ma’rifet ‘Ârife zât-ı müsemmâdır Müsellem kasd u kâm