Tecelli Eyledi Elhamdülillah

Gönül mir’âtına şems-i ‘inâyet Tecellî eyledi elhamdülillah Zuhûr itdikçe ol nûr-ı hüviyyet Tecellî eyledi elhamdülillah Tarîkatda tutardım istikâmet Bana telkîn idüp sâhib-şer’îat Dilerken Hâlık’ımdan isti’ânet Tecellî eyledi elhamdülillah Hakîkat reh-nümâsıdır bil ey cân Dil ü cân gülşeninde mâh-ı tâbân Derûnum şehrine bu gün o sultân Tecellî eyledi elhamdülillah Nübüvvet merkezi ol kutb-ı eflâk Risâlet ma’deni ol sırr-ı levlâk İşâret eyleyüp gösterdi idrâk Tecellî eyledi elhamdülillah Hüviyyetden irişdi bana itmâm Ana müştâk iken hep hâss ile ‘âmm Raûfî’ye tarîkat oldu in’âm Tecellî eyledi elhamdülillah