Terkib Olundu

Terkib olundu çünki hevâ hâk ü nâr u âb İnsan-ı kâmil oldu ana ref’olub hicab Hullet ki nârı nûr ede berd-i selâm olur Âşık ki sâdık ola ana azâb olur azâb Bahr-i atâsı nehy ede hâşa ki saili Derd-i derûnuna şâfi iken lütfile cevâb Vaslın hevâsında gezer âvâre ebrû bâd Pervâne şem’i aşkına eflâk-i âfitâb Kesret tılsımı mâni olub genci vahdete Hayrette kaldı hasretiyle nice şeyh u şâb Ref’et hicâbı lütfedüb isneyniyyeti gider Gaybı hakîkat açıla tâ ola feth-i bâb Bâkî hayata ermeğe ihsânın isteriz Lütfet HÜDAYÎ bendene Yâ Mâlike-l Rikab