Teveccüh Eyledim

Teveccüh eyledim Beytü’l-Haram’a Yâ Resulallah Delîlim re’fetindir Mısr u Şâm’a Yâ Resûlallah Hakîkatde cemâlin kıble-i erbâb-ı hâcetdir Yöneldim kıbleye uydum imâma Yâ Resûlallah Bu yolda baş açık yalın ayak selmâ-yı şevkinle İrişdir bendeni Bâbü’s-Selâm’a Yâ Resûlallah Leb-i âdâb ile takbîl-i ruhsâr-ı hacer kılsam Müyesser ola zevk-i istilâma Yâ Resûlallah Kemâl-i şevk ile beyne’s-Safâ ve’l-Merve sa’y itsem Sa’âdetle yüzüm sürsem makâma Yâ Resûlallah Gönül reşk-âver-i dükkân-ı ‘attâr oldu zîrâ kim Gelir bûy-i dil-âvîzin meşâma Yâ Resûlallah Der-i vâlâ-cenâba rûy-mâl itmek murâdımdır ‘İnâyet mültecâdır bu recâma Yâ Resûlallah Huzûrunda Rızâ’nın matlabı cûd-ı şefâ’atdir Keremdir şân-ı cûdun hâss u ‘âmma Yâ Resûlallah