Ummana Giren Aşk İle

Ummâna giren âşk ile dür-dâneye uğrar Şükrâne veren cânını cânâneye uğrar Yanmakdan eğer korkar isen şem’a yapışma Şol âteşi gör kim neçe pervâneye uğrar Mansûrlayın cûşa gelir söyler “Ene’l-Hak” Her sûfî-i sâfî ki bu mey-hâneye uğrar Gitmez dün ü gün câm-ı şerâbı nazarından Her kimse ki şol nergis-i mestâneye uğrar Tesbîh ile seccâdeyi bir cur’aya satar Şol sâlik-i âbid ki bu peymâneye uğrar Efsâne satar âşıka efsûn ile vâ ‘iz Âşık haçan ol kıssa vü efsâneye uğrar Girdi harem-i ka’beyi tahkîka Nesîmî Hannânı tavâf eyler ü Mennâneye uğrar