Visali Yare İrmek İsteyen

Visâl-i yâre irmek isteyen ‘âşık berü gel Bu şi’rime nazar it gözünü aç olma ahvel Gönül virme şu dünyâ zînetine bakma aslâ Dahi cennet içün çalışma zinhâr olma tenbel Mukayyedlikden ol âzâde ‘aşkın himmetiyle Teveccüh eyle Allah’a sivâsından yuyup el Firâr it ‘aşkı olmayan kişiden itme ülfet Cihân halkında yok bir kimse hîç bî-‘aşkdan ağfel ‘Amelsiz ‘ilm ü ihlâssız ‘amel makbûl değildir Anınçün zâhidin gönlü müşevveş zihni muhtel Beher dem her nefes zikre devâm it olma gâfil İder Allah ne denlü vâr ise müşkil işin hall Bu Kuddûsî gibi sen de tegâfül itme kardaş Külüng-i ‘aşk ile gayret idüp varlık dağın del