Yuf

Billâh yûf bu şu’bede-i hîç-kâra yûf Yûf kadr-i câh u tantana-i iştihâra yûf Pâşa ki bulmaya ser-i maktû’una kefen Ol tûğ-i tumturak ‘âlem-i i’tibâra yûf Bâd-ı ecel ki söndüre kandîl-i cânını Başı ucunda bîhude şem’-i mezâra yûf Kerrât ile sâhife-i ‘âlemde çekmişem Bu sûret-i mükerrer-i leyl ü nehâra yûf Bir hâne kim binâsı ola âh u eşkden Yazık o âb u renge o nakş u nigâra yûf Dürle ide zuhûr fürûn-ı şikencede Her bir la’l-i nâb o dürr-i şehvâra yûf Güm-nâm-ı yâd-ı hayr ola erbâb-ı mansıba Söyler sadâ-yı güm güm tabl u nakkâra yûf Sûr-i ‘arûs kim ola mâtem netîcesi Pûf şem’-i bezme meş’ale-i şu’le-dâra yûf Gâlib penâh-ı fakra gir abdâl-meşreb ol Al kerre-nâ-yı destine çal rüzgâra yûf Oldukça söylerim der-i Mollâ’da kâm-yâb Dünyâ gamında çekdiceğim âh u zâra yûf