Zahida Gel Tıflı Manayı

Zâhidâ gel tıfl-ı ma’nâyı hevâdan kıl halâs Cehd idüp ol düşmen-i bâtın yedinden kıl halâs Pes bu mir’ât-ı dili jeng-i sivâdan kıl halâs Dil Halîl’in nefs-i Nemrûd’un odundan kıl halâs Yoksa Kâdir nefsine eyler havâle bir meges Eşk-i çeşm-i ‘âşıkân cârî olur misl-i ‘uyûn Şerh-i hüsnüdür cebîni tâlibâ şekl-i mütûn Vasl-ı yâr için ider her demde bî-rayb dil cünûn Gözyaşın deryâ vücûdun keştî âhın kıl sütûn Ger hakîkat dürrüne bulmak dilersen dest-res Nefsine haml eyle cürmü görme ‘ısyân kimsede Hîle-i nefsini fark it görme tuğyân kimsede Zenb ü ‘ısyân hep senindir görme hüsrân kimsede Kâdir oldukça hazer it görme noksân kimsede Hâlık’ın eyle tefekkür olma gâfil bir nefes Ey Vefâ cehd eyle her dem cân ile gel bende ol Mazhar-ı lutf olmak için cân ile gel bende ol Âsitân-ı Gülşenî’de cân ile gel bende ol Dergeh-i pîre Sezâyî cân ile gel bende ol Sana ‘âlem yüz tutarsa cümleden ümmîdi kes