Zikri Huda

Nûş idelden bezm-i dilde şerbet-i zikr-i Hudâ Cân dimâgında kalupdur lezzet-i zikr-i Hudâ Neşveyâb hâlet-i ‘aşk eyler âhir sâliki Kim müessirdir ziyâde sohbet-i zikr-i Hudâ Sırr-ı vahdetden haberdâr olmak istersen eğer Kalbi âgâh eyler ondan kesret-i zikr-i Hudâ Nakd-i ‘ömrü zevk-i dünyâya yeter sarf eyledin Pes değil mi şükr idersen ni’met-i zikr-i Hudâ Mâsivâ-sûz oldu bir vechile kim hergiz komaz Gayrıdan bir zerre dilde gayret-i zikr-i Hudâ Hakkıyâ âhir nefesde def’ ider her vahşeti Oldu ise evveli ünsiyyet-i zikr-i Hudâ