Sendedir

Gâfil olma ey gönül her derde dermân sendedir Sûretâ bir abdsin bâtında sultân sendedir Sen seni bilsen eğer sensin sahibi kâinât Gâye-i her dü-cihân sensin ki cânân sendedir Sû‘ya verme ömrünü yokdur bu sahrâda ümîd Menba‘-i enhârsın deryâ-yı ummân sendedir Perde çekdin sen sana, sen nûru zulmet eyledin Eylesen ref‘-i hicâb hurşîd-i rahşân sendedir Nefs ü şeytândan kaçarsın sende senlik var iken Nefsdir her gördüğün her ân şeytân sendedir Kan görür Şat u Fırat’ı dîdesinde kan olan Yok durur Şat u Fırat’ın kanı ol kan sendedir Habbe yok noksân ziyâde hikmete ibretle bak Her ne de noksân görürsen bil ki noksân sendedir Âb u âteş hâk ü bâd içre kalan hayvân gibi Sen cehennemden kaçarsın nâr-ı sûzân sendedir Çıkmadan nâr-ı tabîatdan, seni hiçbir amel Vâsıl-ı nûr eylemez sen nerde nîrân sendedir Ten cehennemdir başında seb’a-i ebvâbı var Gönlüne gir kim sekiz cennet u rıdvân sendedir Bu tabîat-hâneden geçdi süvâr-ı aşk olan Aşkdan al kim Kemâlî ilm ü irfân sendedir