Ruzu Şeb Bülbülsıfat

Rûz u şeb bülbül-sıfât dinmez bizim feryâdımız Dost cemâli bâğının gülzârınadır şâdımız Kesmeğe varlık cibâlin şîr-i Şîrîn şevkına ‘Aşk külüngin ele aldı germ olup Ferhâd’ımız Müşg ü ‘anber zülf-i yârdan cân dimâğın toylayıp Bûy-ı vuslat getirir esdikçe seher-bâdımız ‘Aklımı yağmâya verdi serv-veş bin nâz ile Her kaçan reftâra gelse kâmet-i şimşâdımız Lutf edip yâr yapdı yine gönlümün virânesin ‘Askerî der bâkidir dâim bizim âbâdımız